воскресенье, 2 февраля 2020 г.

Сӧлӧ баблы - 90 арӧс

Во нёль нин кӧсъям вӧлі ветлыны Сӧлӧ баб дорӧ - мойдысь, челядьлы гижысь дорӧ. И со миян кӧсйӧмным збыльмис сӧмын талун - коми семьяяслӧн "Шуда котыр" клуб сёрнитчис да ветліс челядьлы нималана гижысь дорӧ. Таво сылы тырӧ 90 арӧс. Бурджык помкаыс волыны сы дорӧ да чолӧмавны чужан луннас и абу. 


воскресенье, 19 января 2020 г.

Ёжик да Урпи

 Коми семьяяслӧн "ШУДА КОТЫР" клуб котыртіс С.Я. Маршак нима Коми Республикаса Вужвойтырлӧн челядь небӧгаинын Анастасия Сукгоевакӧд паныдасьӧм да сылысь "Вильыш Урпи" выль небӧг нимӧдӧм.

среда, 25 декабря 2019 г.

пятница, 6 декабря 2019 г.

Нёль вося удж


Сыктывкарса коми войтырлӧн конференциялысь Помшуӧмъяссӧ олӧмӧ пӧртӧм серти «Коми войтыр» ӧтмунӧмса Сыктывкар юкӧн Исполкомлӧн нёль вося удж йылысь сёрни (2019.11.29 лун)



Видза оланныд, бӧрйӧмаяс, кодъясӧс вӧзйисны делегатъясӧн сыктывкарса коми войтырлӧн конференция вылӧ тавося собранньӧяс дырйи, да корӧмаяс!

Дасьті Сыктывкарса коми войтырлӧн конференция кежлӧ неыджыд сёрни сы йылысь, мый «Коми войтыр» ӧтмунӧмса Сыктывкар юкӧнлӧн Исполком вӧчис нёль во чӧжнас. Унджыкыс тіян пиысь та йылысь кывлісны нин, кор нуӧдім Сыктывкарын да карбердса посёлокъясын делегатъясӧс бӧрйӧм могысь собранньӧяс. Кӧнкӧ ошкисны, а кӧнкӧ – и эз; вывті уна пӧ развлекаловкаыс, коми кыв да культура йылысь тӧждыс, и он пӧ кыпӧдӧй экология да Сийӧсаёль (Шиес), морт инӧдъяс йылысь сёрнияс. Выльпӧв висьтавны нёльвося удж йылысь коланлуныс быттьӧкӧ и абу, но век жӧ мыйсюрӧ ковмас казьтыштны нӧшта на ӧтчыдысь.

воскресенье, 17 ноября 2019 г.

четверг, 18 июля 2019 г.

Зі ныр кузьта гожӧм

Кутшӧм таво Комиын поводдяыс, быдӧн тӧдӧ. Ас кежысь унаӧн, чайта, кӧсйӧны шоныдджыкинӧ пышйыны. То ӧтилаын ойдӧма, то мӧдлаын ваыс туӧма. Воддза воясас та кадӧ тыр ӧдӧн нин вӧлі час чӧжъясӧн купайтчам, а таво весиг ытшкан берегъясыс ва улын. Комиын гожӧмыд абу нин кӧч бӧж кузьта, кыдзи коми гижысьясыд радейтӧны ӧткодявны, а зі ныр кузя. Гожӧмлы регыд пом, а лӧдз на нырсӧ эз мыччывлы, ни зорӧд ув на абу дась.