суббота, 11 октября 2014 г.

Секретарала

Во да джын нин секретарала ... Буретш 2013 вося косму тӧлыссянь нин "Филологические исследования - 2014" конференция йылысь юӧрсӧ разӧда.



Локтан вежоннас Сыктывкарын лоӧ филологияса наукаясысь ыджыд конференция. Некымын вежон нин ог вермы аддзыны кад, медым шойччыштны: быд лун гижася, вочавидза, дасьта да мӧдӧда, котрала. Муртса и - кута войколавны компютер сайын. А аслам туясян уджӧй абу дась. Бур, мый мӧд вежонас ставыс тайӧ помасьыштас. Дерт, сэсся кутам чукӧртны статьянысӧ да йӧзӧдны, но тайӧ абу сэтшӧм сьӧкыд удж.

Сьӧкыдджык, кор менам письмӧяс вылӧ чӧв олӧны. Ӧньӧ Лав со уджъёртъясыскӧд мӧдӧдліс жӧ тема, а сэсся нем оз висьтавны - локтӧны ли оз, тӧдӧны ли оз, мый налы колӧ локны да докладуйтны. Ыстӧд серти кӧ мунан, аддзан сэсь конференциялысь уджтассӧ. Сійӧс ме уна тӧлысь нин быд ногыс мольӧді, сэсся ме бӧрын на шыльӧдыштісны. Видзӧдлӧй выльлунӧдз. И эн вунӧдӧй волыны да кывзыны туялысьястӧ.

2 комментария: