четверг, 9 октября 2014 г.

Талун журиті

Юркарса выль Райдаӧс талун бӧрйим карса конкурс дырйи. Сійӧн лоис Виктория Канева, Сыктывкарса коми культура шӧринын уджалысь. 

Пукалі журиын, журиті. 

Кык во сайын, дерт, йӧзыс вӧлі унджык, ёна отсасисны нывъяслы залсянь. Талун лӧня пукалісны, полісны миянысь ли мый?

Аски, чайта, некымын газет да ӧтуввез пыр юӧр сетан гор гижасны на лоӧмтор йывсьыс. Ӧні гижышта сӧмын кывкӧртӧдъяссӧ:

"Медмуса ныв" ним вичмис культура колледжын велӧдчысь Татьяна Мартюшевалы. Залын пукалысьяс сетісны сы вӧсна 17 гӧлӧс.

Коймӧдӧн лои каналан служба да веськӧдлӧм академияысь Анастасия Леканова (сылӧн "Пӧлӧзнича" ним).

Мӧд места босьтысь Александра Каневалы (Педколледжысь) сюрис "Катшасин" ним. 

Медводдзаӧн лои Вика Канева. Сійӧ ордйис мукӧдсӧ 2 балл вылӧ. 

Кутам чайтны, мый вермысь бура петкӧдчас республикаса "Райдаын".

Комментариев нет:

Отправить комментарий