Пежалӧны кывнымӧс

Сьӧлӧмӧй пузьылас, кор кыдъя-рочӧн сёрнитӧны. Пельӧй гӧрддзасьлӧ. Дзик нин ог вермы телевизорысь коми передачаяс видзӧдны: мый он кывзы, сэні и пежалӧны коми кывнымӧс.
Унаысь думысь кӧсъя босьтчывны да гижны та йылысь, но век кадыс абу. Гӧгӧрвоа, мый йӧзыс таысь ме вылӧ скӧрмасны и пиняласны. Талун, Вочакыв уджтас видзӧдӧм бӧрын, эг нин вермы кутчысьны. Гижа, кыдзи дзик коми сиктысь том морт комиӧн варовитӧ:
* преподавайтны ОБЖ
* основной деятельностьыс вӧлі
* медым не заразитны
* быдӧн ачыс ответитас
* вӧчам от чистого сердца
* вермӧ руководитны
* уджавны в плане того, что ...

Эг удит став примерсӧ гижны - сьӧлӧмӧй вӧлі пузьӧ.