суббота, 14 февраля 2015 г.

ДЮ воис

Коркӧ сотовӧй телепонӧ ДЮ воис. Коді оз на тӧд: ДЮ - дженьыд юӧр, рочӧн кӧ - СМС. Ас кадӧ кывсӧ вӧзйылі сёрниӧ пыртны. Йӧвгень Йыпанов весиг кывкудйӧ пыртіс.



И со дю воис. Кыксё шайт пӧ пуктӧма, и водзӧ рекламатор ("ВНЕСЕНА СУММА 200.00 р.Мелодия для гудка каждый день.Инфо 607 (беспл.)"). Сьӧмсӧ ме ачым эг пуктыв. Дзик пыр жӧ номерсӧ видзӧдлі. А номерыс абу эскӧдана (79005098498). Сідзкӧ, мися, пӧръясьӧны. Балансӧс видзӧдлі - сьӧмыс 200 шайт вылӧ абу и содлӧма. 

Час мысти мӧд дю воис, сійӧ жӧ номерсяньыс. Кутшӧмкӧ морт бӧрдӧмсорӧн корӧ бергӧдны 200 шайт, сорси пӧ ("Верните пож-ста 200руб.ошиблась!на номер 89066099137 бил.спасибо.Аня."). 

Кӧсйи эськӧ гижны коньӧр мортыслы, мед бергӧдас мен 200 шайтсӧ, кӧть эг и мӧдӧдлы, но эг нин кут дурнысӧ.

А ӧд кымынӧс тадзи бӧбйӧдлӧны, кымынӧн шедӧны татшӧм самӧ!

Комментариев нет:

Отправить комментарий