воскресенье, 22 февраля 2015 г.

Ӧтувъя диктант

Середаӧ Коми муын уна кар-сиктын, Питеркарын да Канкарын нуӧдісны коми кыв вылын "Ӧтувъя диктант". Ветлі жӧ гӧтыркӧд да пикӧд университетӧ, кӧні гижим диктантсӧ.




Ёгор пиӧй диктант листас гижис нимсӧ да овсӧ, машинаяс номер вылысь регион кодъяссӧ, мый локтігас казяліс. 

Кыдзи тыдовтчис, диктантысь менам "нёль", гӧтырлӧн - "куим", муртса эм тырмы сылы "нёльӧдзыс". 

Вӧзйӧм серти меным ковмис веськӧдлыны журиӧн. Уджъяс донъялӧм йылысь эськӧ позьӧ уна гижны, сӧмын тӧдчӧда ӧтитор - ми мыджсим правилӧяс да кывкудъяс вылӧ, сюся донъялім Владимир Тиминӧн дасьтӧм текст (ӧшыбкаяссӧ веськӧдім) да вӧлім объективнӧйӧсь. Гашкӧ, та вӧсна Сыктывкарын сӧмын ӧти морт гижис "5" вылӧ, кызь нёльӧн - "4" вылӧ, комын ӧтиӧн - "3 вылӧ. 

Неуна чуймӧдӧ, дерт, мый "вит" вылӧ Интаын гижис 26 морт, Помӧсдінын - 12 морт, а Кулӧмдінын - 6 морт!!! Но медым, налӧн асланыс донъялысьяс.

Диктант гижӧм серти дженьыд юӧр дасьті "Коми войтыр" сайтӧ. Та кындзи, гижи Коми Википедиаӧ - ёна унджык, паськыдджыка да лача кутӧмӧн, мый локтан воӧ сійӧ ковмас на.

2 комментария:

  1. А менӧ Инта серти оз "неуна" а "уна" чуймӧдӧ... Медся коми кар тай миян!

    ОтветитьУдалить
    Ответы
    1. Аснаукаӧн йитчывлі сиктъясын диктант котыртысьяскӧд. Вӧлӧмкӧ, найӧ челядьлы лыддьӧны адаптируйтӧм диктант. Кӧть эськӧ мӧвпыштны кӧ, кытчӧ нин нӧшта на Тимин текстсӧ кокньӧдны? Со и артмӧ, мый "первоклашкаяс" гижӧны "вит" вылӧ, а коми небӧг гижысьяс, кыв гижанног лӧсьӧдысь туялысьяс, коми кыв велӧдысьяс да ыджыд опыта редакторъяс - "куим" либӧ "нёль" вылӧ.

      Удалить