IFUSCO Печын

Студент кадсянь тӧда IFUSCO йылысь. Коді эз на кывлы, водзвыв гижа: ударение колӧ пуктыны бӧръя слог вылас. Энӧ торкалӧй шуанногсӧ! 

IFUSCO - тайӧ дженьдӧдӧм, тыр нимыс International Finno-Ugrist Students’ Conference. Комиӧдны кӧ - Фин-йӧгра студентъяслӧн войтыркостса конференциа. Тайӧ том фин-йӧгра туялысьясӧс ӧтувтысь ыджыд чукӧртчӧм. Быд во нуӧдсьӧ сэні, кӧні олӧ фин-йӧгра войтыр да эм фин-йӧгра туяланін. Таво сійӧс нуӧдасны Маддяр муын, Печ карса университет подулын. Сэні мӧдысь нин кӧсйӧны чукӧртны том туялысьястӧ. Медводдзасьыс сэтчӧ волісны 1998 воын. На дорысь эстапетасӧ сэсся босьтіс Сыктывкарса канму университет. Сэки и ме медводдзаысь петкӧдчи IFUSCO дырйи.