суббота, 14 марта 2015 г.

Чилимдінын диктантасисны

Кодлы кыдз, а менсьым сьӧлӧмӧс быттьӧ выйӧн мавтыштісны, кор тӧдмалі, мый "Ӧтувъя диктант" кӧсйӧны тшӧтш гижны Чилимдін районын. 

Колян вежоннас гижӧмаӧсь, а талун уджъяссӧ видлалі нин.

Кыдзи тӧдса, Коми Республикаса тайӧ ылыса районас коми йӧзлӧн лыдыс абу уна. Та вылӧ видзӧдтӧг «Коми войтыр» ӧтмунӧмлӧн Чилимдінса представительство шуӧма чукӧртны чужан кыв вӧсна сьӧлӧмӧн висьысьясӧс да гижны медводдза коми диктант.

Чилимдін сиктысь да Карпушевка грездысь 8 морт гижӧмаӧсь диктантсӧ О. Чупров нима Чилимдiнса шӧр библиотекаын. Нималана коми гижысь Владимир Тиминӧн дасьтӧм диктант текстсӧ лыддьӧма Валентина Альбертовна Мазитова. Диктант гижан лунӧ паметь вылӧ ставныс снимайтчӧмаӧсь.



Уджъяссӧ видлалӧм бӧрын тыдовтчис, мый медбура диктантсӧ гижӧма Марина Михайловна Дуркина, Ирина Александровна Чупрова да Александр Борисович Матвеев.

Быдӧнлы торйӧн окота шуны зэв ыджыд аттьӧ сыысь, мый волісны гижны диктант, видлісны ас вын коми кыв гижанногын!

Комментариев нет:

Отправить комментарий