суббота, 12 декабря 2015 г.

Кӧрткерӧс конференция

Сідзи артмис, мый удиті ветлыны Кӧрткерӧс районса коми войтырлӧн конференция вылӧ. Рочӧн та йылысь гижышті нин, но мыйсюрӧ век на окота содтыны.




Конференция муніс "Союз" кинотеатрын. Кӧджас вель дзескыд. Керкасӧ кыпӧдігас нин абу мӧвпыштӧмаӧсь, мый татчӧ ӧдва тӧрӧ морт кызьыс. А пуктавны кӧ пызанъяс (медым мыччӧдлыны вӧчасянторъяс, пасйысьны), йӧзлы ковмӧ ветлыны бокӧнкодь.

 Панӧмаӧсь эськӧ кинотеатр бердас кыпӧдны содтӧд жыр. Ывласянь мича тай.


 Кӧрткерӧсса коми войтырлӧн конференция вылӧ 79 делегатсьыс воис 61 морт. Жырйын пукалісны Сыктывкарса чина войтыр, районса администрацияысь веськӧдлысьяс, сиктӧн юрнуӧдысьяс. 
  
 Шылада чолӧмалӧмын петкӧдчисны сиктса сьылысь котыръяс. Кывзім Коми мулысь да Кӧрткерӧс районлысь кыпъяс. Районса гимн кывзігӧн кылі содтӧд шумъяс.



Медводз сёрнитіс "Коми войтыр" ӧтмунӧмлӧн Кӧрткерӧсса юкӧнӧн веськӧдлысь Любовь Васильевна Кирушева. Висьталіс вермӧмъяс да мытшӧдъяс йылысь.

Кӧрткерӧс районса администрацияӧн веськӧдлысь В.А. Гончаренко ёнджыка сёрнитіс шедӧдӧмторъяс йылысь, ниӧти эз казьтышт коми велӧдӧм да сиктса йӧзлӧн мытшӧдъяс йылысь.

Шойччыштӧм да шонтысьӧм могысь ставныслы вӧзйисны йӧктыштны: 
Коми мулӧн некымын районӧ, тшӧтш и Кӧрткерӧс районӧ, усьласьӧны ракеталӧн колясъяс. Йӧзыс юасисны, вӧр-валы лёктор вӧчӧмысь воӧ оз мыйкӧ республикаса либӧ районса бюджетъясӧ. Роман Полшведкин вочавидзис, мый ракетаяс лэбалӧны керосин вылын, лёкторйыс сыысь ичӧт, сьӧм оз во.



Комментариев нет:

Отправить комментарий