Коми профессиональнӧй культура сӧвмӧдӧмын мытшӧдъяс

"Коми войтыр" ӧтмунӧмлӧн офисын паныдасьлім сёрнитны коми профессиональнӧй культура сӧвмӧдӧм йылысь.

Коми фольклорысь выль удж

Дыр виччысяна юӧр воис Эстмусянь. ЭЛМ небӧг лэдзанінын петӧма "Фольклористика Коми" туясян статья чукӧр, йӧзӧдӧма рочӧн. Небӧгсӧ позьӧ лыддьыны ӧтуввезйын.

Ӧтмунӧмын вежсьӧмъяс

"Коми войтыр" ӧтмунӧм кутшӧмкӧ кад вӧлі юртӧм. Та понда унатор чотіс, "Коми войтыр" эз кыв сэні, кӧні коліс эськӧ.

Пекничаӧ "Коми войтыр" ӧтмунӧмлӧн Исполком дырйи вӧлі вӧчӧма колана воськовъяс, медым ыджыд котырыс вермис водзӧ уджавны.

Коми блогйысь - 2016: кывкӧртӧдъяс

Юркарса коми культура шӧринын ӧшым тӧлысь 6-ӧд лунӧ нуӧдӧма "Коми блогйысь" конкурсын вермысьясӧс нимӧдӧм. Таӧдзыс тӧлысь чӧж блогйысьяслысь уджъяссӧ донъяліс сизим морта жури да ӧтувъя чукӧртчылігӧн ассьыс кывкӧртӧдсӧ протоколаліс.

Марпида

Челядь сад, кытчӧ котралӧ Ёгор пиӧй, пыр ветлӧ Национальнӧй музейӧ экскурсия вылӧ. Матын да, налы кивыв - подӧн минут вит тапиктыны. Сёрниясысь тыдовтчис, мый ветлывлӧны вӧр-ва да история юкӧнъясӧ, а Национальнӧй музейлӧн мукӧд отдел йывсьыс весиг оз тӧдны, кӧть эськӧ сэні тшӧтш дзолюкъяслы дасьтӧма ворсан-тӧдмӧдан уджтасъяс.

Спиридоновлы сиӧм лыддьысьӧмъяс

Коми республикаса Юралысь бердын Искусствояс гимназияын нёльӧдысь нуӧдісны Спиридоновлы сиӧм регионъяскостса лыддьысьӧмъяс. Чукӧртчылісны докладъясӧн велӧдчысьяс и велӧдысьяс. Конференцияыс сиӧма Коми мулӧн медводдза Юралысь Юрий Алексеевич Спиридоновлы, коді веськӧдліс республикаӧн 1994-2001 воясӧ. Сылысь нимсӧ жӧ новлӧ Искусствояс гимназия.

Мамъяслы сиӧма

Россияын 1998 восянь вӧльгым тӧлысьлӧн быд бӧръя вежалунӧ пасйӧны Мам лун. Таво сійӧ веськалӧ 27-ӧд лун вылӧ. 

Эжваын конференция

Середаӧ, вӧльгым тӧлысь 9-ӧд лунӧ, коми войтырлӧн конференция муніс Сыктывкарса Эжва районын. Лыд серти - тайӧ XXI чукӧртчӧм. Сійӧ муніс Эжва районын кадръяс потенциал сӧвмӧдӧм пас улын.

Бумажников шӧрт туй

Миян республикаын уличаяс комиӧдігӧн паныдасьлӧны быдсяма сикас шыбӧльяс, но Сыктывкарса Эжва микрорайонысь аддзӧм туйпас - тайӧ шедевр!

Козин дасьті

Тӧрыт Коми йӧзӧдчан керкаӧн веськӧдлысь Вячеслав ПОПОВ юӧртӧма "ШОНЫД КОЗИН" флеш-моб да эстафета бедьсӧ вуджӧдӧма меным. Окотапырысь пырӧдча "ШОНЫД КОЗИН" флеш-мобӧ.

Выль жыр

Воддза вежонас кыпыда восьтісны Коми Республикаса войтырлысь Ёртасян керка. Сэтчӧ овмӧдчисны Коми муын уджалысь НКА-яс да  ӧтмунӧмъяс - белорусъяслӧн да украинечьяслӧн, немечьяслӧн да чувашъяслӧн, перымса комияслӧн да изьватаслӧн, и с.в. Сэні жӧ вичмӧдӧма "Коми войтыр" ӧтмунӧмлы жыр. Сыӧдзсӧ 2 жыр вӧлі каналан сӧветса 6 судтаын.

Фотоыс Владимир Прокушевлӧн.

Блогйысьяслы юӧр

Зэв мисьтӧм серпас - блогйысьясӧс гижны ышӧда, конкурс юӧрта, а ачым кад ог аддзы блоглы. Эг казяв, кыдзи бӧръя кык тӧлысьыс лэбыштӧма. Медым янӧдӧмысь мынны, некымын кыв "Коми блогйысь" конкурс йылысь пасйышта.

Бӧрйысьӧмъяс йылысь

Ассьым блогӧс blogspot.ru сайтын восьті кык во сайын, буретш бӧрйысян лунӧ. Сэки шондіа поводдя пукаліс, окота вӧлі ывлаӧ петны, шӧйтыштны. Но ме мӧдтор йылысь.

Бикинь

Тӧрытсянь гортын выль лов олӧ - каньпи. Талунӧдз сійӧ вӧлі нимтӧм, ӧні бӧрйим нин. Такӧд йитӧдын воддза каньяснымӧс казьтышта.

Конференция дасьтам

Сыктывкарса коми войтырлӧн быдвося конференция таво нуӧдам вӧльгым тӧлысь 18-ӧд лунӧ, пекничаӧ, 14 чассянь. Темаыс - "Сыктывкар вӧсна тӧждӧн: аскиыс миян киын". 

Юӧртӧма конкурс

Комиӧн гижысь блогйысьяслы, а татшӧмыс морт кызь, нимкодь выльтор. Юӧртӧма "Коми блогйысь" республикаса конкурс.

Конкурс нуӧдӧмын водзмӧстчӧ "Коми войтыр" ӧтмунӧмлӧн Сыктывкарса юкӧн. Отсасьӧ Сыктывкарса коми культура шӧрин да Комиысь войтырсикас политика министерство.

Видзань, Мичань

Челядьӧс доръян лун кежлӧ челядь видзанін, кытчӧ ветлӧдлӧ пиӧй, мичмӧдісны. 


Дзолюкъяслӧн мамъяс аканьясӧс дасьтісны, найӧс баситісны, паськӧмъяссӧ серӧдлісны.

Аканьяс лоины миянӧс видзысьясӧн (оберегъясӧн). И быдӧнлы весиг коми ним лӧсьӧдім.

Юркарса администрациякӧд паныдасьлім

Тӧрыт "Коми войтыр" ӧтмунӧмлӧн Сыктывкарса юкӧнӧ пырысьяс паныдасьлісны Юркарса администрацияысь веськӧдлысьӧс вежысь да управлениеӧн юрнуӧдысьяскӧд. Сёрнитім сы йылысь, кыдзи олӧмӧ пӧртам 2015 вося Сыктывкарса коми войтырлӧн конференциялысь Резолюциясӧ.

Небӧг нимӧдісны

Челядьлы коми гижысь Николай Тюрнин лэдзис "Сьыланкывъя востым. Песенные зарницы" выль небӧг. Сьыланкывъяса да нотаяса удж нимӧдісны четвергӧ, косму тӧлысь 14-ӧд лунӧ.

Медводдза шаньга

«Шуда котырӧ» пырысьяс неважӧн чукӧртчылісны да пӧжалісны чӧскыд кӧра шаньгаяс. Челядькӧд ӧтвыв пӧжасьны вӧзйис Людмила Камбалова. Вель дыр мӧвпалім, кӧні да кор паныдасьлыны. 

Кодлыкӧ кадыс эз лӧсяв, кодлыкӧ – кӧртымалӧмысь сьӧм мынтӧм. Медбӧрти юрсюянін сюри Юркарса коми культура шӧринысь. Директорыс, Ольга Аверина, та могысь весиг гортсьыс пӧжасян пач вайис.

Съездасим

Воддза вежонас вӧлі коми войтырлӧн XI Чукӧртчӧм. Нёбдінса Виттор нима драма театрын куим лун чӧж уджалім.