Ассьым блогӧс blogspot.ru сайтын восьті кык во сайын, буретш бӧрйысян лунӧ. Сэки шондіа поводдя пукаліс, окота вӧлі ывлаӧ петны, шӧйтыштны. Но ме мӧдтор йылысь.
Коми блогйысьяс гижӧны ас олӧм-вылӧм йылысь, казьтыштӧны вӧвлӧмторъяс, тешкодь серпасъяс. Но казяла, мый оз тырмы миян пӧвстын аналитика гижысьясыс. Оз тыдав тайӧ ни телевидение- радиоын, ни газет-журналын. Миянлы мыйлакӧ матынджык гижны быдлунъя олӧмнымӧс, а помкаяс йылысь мӧвпавнысӧ ог кӧсйӧй. Медыд ышӧдыштны, весиг "Коми блогйысь" конкурсын торйӧн лӧсьӧдім "Аналитикаа медся бур гижӧд" нимпас. Блогъяс лыддигӧн, збыль шуа, эг на казяв, кодӧс тайӧ нимпасас позьӧ вермысьӧн шуны.
Со бӧрйысьӧмъяс Комиын да Рочмуын помасисны. Эм мый донъявны. Шуам, уна во чӧж ӧти ылӧдз нималана ютырысь гусьверъясӧс кыялісны-пуксьӧдалісны. Партияыс ассьыс нимсӧ пежӧсьтіс. Колӧ эськӧ вӧлі виччысьны, мый бӧрйысигас тайӧ ютырыс этша прочент босьтас. А артмӧма мӧдарӧ - содтӧма на, Рочмуса Канму Думаӧ нӧшта на унджык депутат насянь пырӧма. Сідзкӧ вит во чӧж бара оз вежсьы ӧнія нырвизьыс. Мыйла тадзи артмис?
Ме чайта, тайӧ артмис сы понда, мый Россияын мукӧд ютырыс некутшӧм удж оз нуӧд бӧрйысьӧмъяс костас. Петкӧдчыласны тӧлысь-кык вылӧ и сэсся вошасны. Йӧзыс найӧс оз аддзывны ни СМИ пыр, ни ловйӧн. Мыйла оз тыдавны СМИ-ын, тайӧ мӧд сёрни! Позьӧ шуны, тайӧ абу политикъяс, кодъяс быд лун нуӧдӧны партияса нырвизь, а ывлавывса (случайнӧй) йӧз. А коді нӧ тӧдтӧм мортлы кутас ассьыс гӧлӧссӧ сетны?
Гежӧд морт бӧрйысьӧм водзас лыддьӧ ютыръяслысь уджтасъяссӧ (программасӧ). Чайтӧны, мый тайӧ сӧмын бӧрйысьӧмводзвывса кӧсйӧмъяс, кодъясӧс оз кутны либӧ оз вермыны олӧмӧ пӧртны. Ставныс мыйлакӧ сӧмын бӧрйысьӧм водзын кӧсйӧны мыйкӧ бурмӧдны, олӧмсӧ вежны. А кӧні нӧ Ті вӧлінныд водзджыксӧ - во, кык, куим сайын? Мыйла эн отсалӧй туй дзоньтавны? Мыйла лэдзинныд школа тупкыны? Мыйла челядь сад некыдзи он кӧсйӧй кыпӧдны? Мыйла больничаын тупкинныд стационар, и с.в.? Йӧзыслы колӧ быдлунъя тӧжд. Медым найӧ быд лун кылісны депутатъяслысь да ютыръяслысь уджсӧ, а эз сӧмын кӧсйысьӧмъяссӧ.
Дерт, "Ӧтувъя Россиялы" унджыкыс сетісны гӧлӧссӧ. Найӧ пӧ кӧть удждон на мынтыштӧны, пенсиа дорӧ 500 шайт содтыштасны, Россияӧс увтыртны оз лэдзны. А локтасны кӧ выль йӧз, кыдз на пӧ найӧ кутасны веськӧдлыны?
Йӧзыс кӧ бӧрйисны "Ӧтувъя Россия", сідзкӧ налы кажитчӧ тайӧ олӧмыс, нем вежны абу окота. И тайӧ зэв повзьӧдчана аскиалун. Сӧмын мӧвпыштӧй: сямтӧм политика нуӧдігӧн власьтъяс ассьыс войтырсӧ гӧльмӧдісны кык пӧв. Во куим сайын на Рочмуын шӧркодь удждоныс вӧлӧма 1000 доллар (1$ = 36 шайт), ӧні - 500 гӧгӧр (1$ = 64 шайт). Тайӧ унатор нин висьталӧ.
Коми блогйысьяс гижӧны ас олӧм-вылӧм йылысь, казьтыштӧны вӧвлӧмторъяс, тешкодь серпасъяс. Но казяла, мый оз тырмы миян пӧвстын аналитика гижысьясыс. Оз тыдав тайӧ ни телевидение- радиоын, ни газет-журналын. Миянлы мыйлакӧ матынджык гижны быдлунъя олӧмнымӧс, а помкаяс йылысь мӧвпавнысӧ ог кӧсйӧй. Медыд ышӧдыштны, весиг "Коми блогйысь" конкурсын торйӧн лӧсьӧдім "Аналитикаа медся бур гижӧд" нимпас. Блогъяс лыддигӧн, збыль шуа, эг на казяв, кодӧс тайӧ нимпасас позьӧ вермысьӧн шуны.
Со бӧрйысьӧмъяс Комиын да Рочмуын помасисны. Эм мый донъявны. Шуам, уна во чӧж ӧти ылӧдз нималана ютырысь гусьверъясӧс кыялісны-пуксьӧдалісны. Партияыс ассьыс нимсӧ пежӧсьтіс. Колӧ эськӧ вӧлі виччысьны, мый бӧрйысигас тайӧ ютырыс этша прочент босьтас. А артмӧма мӧдарӧ - содтӧма на, Рочмуса Канму Думаӧ нӧшта на унджык депутат насянь пырӧма. Сідзкӧ вит во чӧж бара оз вежсьы ӧнія нырвизьыс. Мыйла тадзи артмис?
Ме чайта, тайӧ артмис сы понда, мый Россияын мукӧд ютырыс некутшӧм удж оз нуӧд бӧрйысьӧмъяс костас. Петкӧдчыласны тӧлысь-кык вылӧ и сэсся вошасны. Йӧзыс найӧс оз аддзывны ни СМИ пыр, ни ловйӧн. Мыйла оз тыдавны СМИ-ын, тайӧ мӧд сёрни! Позьӧ шуны, тайӧ абу политикъяс, кодъяс быд лун нуӧдӧны партияса нырвизь, а ывлавывса (случайнӧй) йӧз. А коді нӧ тӧдтӧм мортлы кутас ассьыс гӧлӧссӧ сетны?
Гежӧд морт бӧрйысьӧм водзас лыддьӧ ютыръяслысь уджтасъяссӧ (программасӧ). Чайтӧны, мый тайӧ сӧмын бӧрйысьӧмводзвывса кӧсйӧмъяс, кодъясӧс оз кутны либӧ оз вермыны олӧмӧ пӧртны. Ставныс мыйлакӧ сӧмын бӧрйысьӧм водзын кӧсйӧны мыйкӧ бурмӧдны, олӧмсӧ вежны. А кӧні нӧ Ті вӧлінныд водзджыксӧ - во, кык, куим сайын? Мыйла эн отсалӧй туй дзоньтавны? Мыйла лэдзинныд школа тупкыны? Мыйла челядь сад некыдзи он кӧсйӧй кыпӧдны? Мыйла больничаын тупкинныд стационар, и с.в.? Йӧзыслы колӧ быдлунъя тӧжд. Медым найӧ быд лун кылісны депутатъяслысь да ютыръяслысь уджсӧ, а эз сӧмын кӧсйысьӧмъяссӧ.
Дерт, "Ӧтувъя Россиялы" унджыкыс сетісны гӧлӧссӧ. Найӧ пӧ кӧть удждон на мынтыштӧны, пенсиа дорӧ 500 шайт содтыштасны, Россияӧс увтыртны оз лэдзны. А локтасны кӧ выль йӧз, кыдз на пӧ найӧ кутасны веськӧдлыны?
Йӧзыс кӧ бӧрйисны "Ӧтувъя Россия", сідзкӧ налы кажитчӧ тайӧ олӧмыс, нем вежны абу окота. И тайӧ зэв повзьӧдчана аскиалун. Сӧмын мӧвпыштӧй: сямтӧм политика нуӧдігӧн власьтъяс ассьыс войтырсӧ гӧльмӧдісны кык пӧв. Во куим сайын на Рочмуын шӧркодь удждоныс вӧлӧма 1000 доллар (1$ = 36 шайт), ӧні - 500 гӧгӧр (1$ = 64 шайт). Тайӧ унатор нин висьталӧ.
Комментариев нет:
Отправить комментарий