суббота, 17 декабря 2016 г.

Ӧтмунӧмын вежсьӧмъяс

"Коми войтыр" ӧтмунӧм кутшӧмкӧ кад вӧлі юртӧм. Та понда унатор чотіс, "Коми войтыр" эз кыв сэні, кӧні коліс эськӧ.

Пекничаӧ "Коми войтыр" ӧтмунӧмлӧн Исполком дырйи вӧлі вӧчӧма колана воськовъяс, медым ыджыд котырыс вермис водзӧ уджавны.

Исполкомӧ пырысьяс бӧрйисны ӧтмунӧмса веськӧдлысьлысь удж вӧчысьӧн Ӧльӧш Габовӧс, а секретарӧн - Ӧльӧш Рассыхаевӧс. Ӧтмунӧмса Устав серти, тайӧ должносьтъясас йӧзсӧ вӧзйӧны "Коми войтырлӧн" президиумсаяс пиысь, кодъясӧс вӧлі бӧрйӧма коми войтырлӧн Съезд дырйи.

Габов Алексей Иванович чужӧма Кулӧмдін районса Нэмдін сиктын. Олӧма-уджалӧма Вӧркутаын, сэні жӧ веськӧдлӧма "Коми войтыр" ӧтмунӧмса представительствоӧн. Бӧръя вит восӧ веськӧдліс "Коми войтырлӧн" эжваса юкӧнӧн. Тавося коми войтырлӧн съезд дырйи сылысь кандидатурасӧ вӧзйылісны веськӧдлысьӧ.

Ӧльӧш Габов - ас вылӧ уджалысь, а налӧн мӧд сикасджык мӧвпалӧм, торъялӧ бюджетникъясысь, кодъяс виччысьӧны дасьсӧ канмусянь. Исполкомӧ мукӧд пырысь серти, сылӧн эм кӧсйӧм веськӧдлыны да босьтны ас вылас став кывкутӧмсӧ. А тайӧ медся колана ӧні кадӧ! 


Комментариев нет:

Отправить комментарий