Сыктывкарса 43 №-а школа подулын нуӧдісны коми кывбур лыддьысьяслысь конкурс. Сэтчӧ пырӧдчисны сыктывкарса 2-8 класса велӧдчысьяс.
Конкурсыс таво вӧлі сиӧма Коми республикаса нимйӧза гижысь Василий Григорьевич Лодыгинлӧн 70 вося тшупӧда паслы. Та вӧсна унаӧн лыддисны сылысь кывбурсӧ.
Меным мойвиис донъявны 3 классаясӧс. Мекӧд тшӧтш сюся кывзісны коми кыв велӧдысьяс:
Зэв нимкодь вӧлі кывзыны ныв-зонмӧс - ёна зілисны эз сӧмын бура лыддьыны, но и артиставны, экран вылӧ компьютерсянь серпасъяс петкӧдлыны.
Челядьыд вӧлі мича вӧччӧмаӧсь - йӧзкостса паськӧмаӧсь (сарапан ли дӧрӧм), чышъянаӧсь, вӧняӧсь. Ӧти нывка босьтчис весиг сьывны.
Ме, буракӧ, ёна лышкыдаси бур донъяс пукталігӧн. Бӧртиджык сьӧкыд вӧлі медбур лыддьысьяссӧ бӧрйыны. Коймӧд классаяс пӧвстын медбурӧн лои Юлия Шахова, мӧдӧн - Наталия Архипова. А коймӧд места юкисны Ольга Сотникова, Марина Федоренко да Виолетта Зюзева.
Кыв, литература да история институтсянь ныв-зонмӧс кывзыны-донъявны волісны сідзжӧ коми литература туялысьяс Алёна Ельцова, Наталья Горинова да Лидия Сурнина.
Конкурс котыртысьяс ӧти Ирина Чумакова тӧдчӧдіс, мый местаяс шедӧдысьяс паныдасясны коми поэт Василий Лодыгинкӧд И.А.Куратовлӧн литературнӧй музейын.
Конкурсыс таво вӧлі сиӧма Коми республикаса нимйӧза гижысь Василий Григорьевич Лодыгинлӧн 70 вося тшупӧда паслы. Та вӧсна унаӧн лыддисны сылысь кывбурсӧ.
Меным мойвиис донъявны 3 классаясӧс. Мекӧд тшӧтш сюся кывзісны коми кыв велӧдысьяс:
Зэв нимкодь вӧлі кывзыны ныв-зонмӧс - ёна зілисны эз сӧмын бура лыддьыны, но и артиставны, экран вылӧ компьютерсянь серпасъяс петкӧдлыны.
Кыв, литература да история институтсянь ныв-зонмӧс кывзыны-донъявны волісны сідзжӧ коми литература туялысьяс Алёна Ельцова, Наталья Горинова да Лидия Сурнина.
Конкурс котыртысьяс ӧти Ирина Чумакова тӧдчӧдіс, мый местаяс шедӧдысьяс паныдасясны коми поэт Василий Лодыгинкӧд И.А.Куратовлӧн литературнӧй музейын.
Комментариев нет:
Отправить комментарий