«Коми велӧдысь – 2017» республикаса II конкурс йылысь

«Коми велӧдысь» республикаса II конкурс кежлӧ дасьтысьӧм меным пансис 2017 вося тӧвшӧр тӧлысьын, кор «Коми войтыр» ӧтмунӧмсянь пырӧдчи оргкомитет уджӧ. Та кындзи, зіли жюриын (экспертъяс лыдын). Медводз тӧдмаси конкурсӧ мӧдӧдӧм уджъясӧн, бӧрйи мукӧдыскӧд ӧтвылысь велӧдысьяссӧ, а сэсся донъялі налысь петкӧдчӧмсӧ очнӧй тшупӧдас нин – ода-кора тӧлысь 4-5 лунъясӧ.

Зинстан либӧ Зимстан

Кулӧмдін районын эм вӧр заптысьяслӧн посёлок, артмылӧма 1931-ӧд воӧ кыдзи спецпереселенечьяслӧн овмӧдчанін. Ӧні сійӧ шусьӧ и гижсьӧ комиӧн и рочӧн ӧткодя - ЗИМСТАН. А вӧлӧмкӧ, водзынсӧ мӧдногаджык юргӧма.