вторник, 5 сентября 2017 г.

Субӧтник йылысь отчёт!

2017 во Рочмуын шуӧма Экология воӧн. Такӧд йитӧдын "Коми войтыр" ӧтмунӧм юӧртіс лӧддза-номъя (июнь) тӧлысь 10-ӧд лунӧ республикаса экологическӧй субӧтник. Могыс - чукӧртны лӧп-ёгсӧ сэтысь, кытчӧ озджык волыны идрасьнысӧ.


"КОМИ ВОЙТЫР" ӧтмунӧмлӧн Сыктывкарса юкӧн тшӧтш котыртіс субӧтниксӧ. Медводдзаӧн шыӧдчисны Выльтыдорын олысьяс. Культура керкаысь художественнӧй веськӧдлысь, "Коми войтырын" зільысь Надежда Ярославовна шуис, эм пӧ миян кушин, кӧні колӧ пелькӧдчыны.

Пыр жӧ йитчим Сыктывкарса администрацияысь ЖКХ управленньӧкӧд: сійӧ могмӧдіс миянӧс кепысьясӧн, пакетъясӧн, кӧсйысис ёг петкӧдӧм могысь машина.

Петісны ёг чукӧртны и посёлоксаяс (челядь, олӧмаяс). Со тайӧ кык нывкаыс зілисны шойччытӧг:

 

Локтісны "МИ" котырысь том войтыр:


"Коми войтыркӧд"  ӧтвылысь ёг чукӧртісны Йӧзӧс велӧдӧм министерствоысь Сергей Габов, Национальнӧй политика министерствоысь Вячеслав Попов да Людмила Камбалова.



Водзӧ миян удж йылысь висьталӧны фотосерпасъяс:


Кос да бурджык пу лӧпсӧ мукӧдыс новлісны гортас пывсян ломтыны:



Колян во Выльтыдорын кык керка костас пӧрӧдӧмаӧсь пуяссӧ, а петкӧднысӧ вунӧдӧмаӧсь. Мужичӧйяс ас пилаӧн пилиталісны керъяссӧ:


Мукӧд чуркаыс вӧлі сэтшӧм сьӧкыд, мый ковмис вежласьӧмӧн поткӧдчыны быдӧнлы:


Выльтыдор быд тулыс ойдылӧ. Улынджык кӧ керкаыд, ваыс пӧ джоджъясӧдзыс волывлӧ. Ытванас лӧп-ёгсӧ уна вайӧ да колялӧ веськыда керка водзас - кӧнкӧ удитӧны весавны, кӧнкӧ - оз. А ыджыд ва дырйи йӧзлы подӧн ветлӧм могысь вӧчӧмаӧсь джуджыд сюръя вылӧ москияс. Чайта, ытва дырйи сэті ветлӧдлыны зэв мича. Мыйӧн абу войвыв Венеция!?
 

Чайтім, мый ёг нуны воас телегаа трактор сӧмын да ковмас киӧн сӧвтчыны, а вочасӧн локтісны сӧвтчысь да ныра тракторъяс, КАМАЗ...: 



Колӧ шуны, мый КАМАЗ-тӧ ми тыртім.
 Молодечьяс! Зэв ыджыд да колана удж бергӧдім!

Комментариев нет:

Отправить комментарий