Зэв нимкодь вӧлі тӧдмавны, мый коми режиссёр Галина Маркова кӧсйӧ дасьтыны коми йӧзкостса ворсӧмъяс йылысь фильм. Кор шыӧдчис ме дорӧ, окотапырысь висьталі ассьым вӧзйӧмъясӧс, козьналі коми ворсӧмъяс йылысь "Чинки, Киколь да Геч" небӧгӧс (петавліс 2011 воын). И со, тӧрыт видзӧдім дась фильмсӧ Сыктывкарса коми культура шӧринын.
Галина Петровна ӧктӧма "важъя", водзынджык гижӧм, видеоматериалсӧ ӧтилаӧ, а сы кындзи пыртӧма выль кадръяс да лӧсьӧдӧма сюрӧссӧ.
Сюжет сертиыс, ӧнія кадӧ батьыс* казялӧ, мый пиыс* ворсӧ смартфонын да вӧзйӧ тӧдмасьны важъя ворсӧмъясӧн: корсьӧ ӧтуввез пыр да петкӧдлӧ, кыдзи комияс ворслісны Изьва, Луз, Лэтка, Висер да мукӧд вожын.
Тайӧ юкӧнас тӧдмасям "Перескачка" (Лэтка вожын) да чипан колькйӧн ворсӧмъяс (Луздорса Спасордын), изьваса "Луд" дырйи вӧлӧн ордйысьӧм, челядьлӧн "Ӧшкӧ-бабӧ", "Семен дядь", "Шегъясьӧм" да мукӧд ворсӧм йылысь.
А фильм помланьыс батьыс вӧзйӧ пиыслы аслыс ворсны коми йӧзкостса ворсӧмъясысь, и найӧ петӧны ывлаӧ...
Тайӧ юкӧнас кольӧм вося гожӧмнас снимайтчисны Кӧрткерӧс районса Выльыб грездысь челядь. Кор сёрнитчам на вӧлі Г.П. Марковакӧд съёмкаяс йылысь, ме дасьтылі ар даса зонкаясӧс, но локтіг кежлас некымынӧн на пиысь эз нин вӧвны. Та вӧсна чукӧртім содтӧд ныв-зонсӧ, на пиын - мукӧд регионысь том гӧсьтъясӧс чукӧстім.
Медводз челядь асьныс ворсісны керка-карта гӧгӧрын "Згалӧ-згалӧысь" (дзебсясьӧмысь). Сиктса кадръясыс ловзьӧдісны фильмсӧ.
А сэсся челядьыслы петкӧдлі кык важся да вунӧдӧм нин ворсӧм: "Чиркъясьӧм" да "Поп вӧтлӧм". Водзвыв (быд во лӧсьӧдлам) дасьтім выльыбса ныв-посникӧд бедьяс да чагъяс. Фильмас ме гӧгӧрвоӧда ворсанногсӧ, а сы бӧрти челядь ворсӧны.
Поводдяыс неуна торкыштіс миянлысь планъяснымӧс. Зэра гожӧмыд колян во вӧлі да, ӧдва кадколастыс сюри. Снимайтігӧн тшӧтш буситіс, но челядь ни налӧн рӧдвужыс эз дугӧдчыны ворсӧмысь!
Колян во выльыбсаяс унаысь нин юасисны, кор жӧ пӧ кутасны петкӧдлыны фильмсӧ да кӧні. Ӧні тӧдам нин: фильмыс дась, и Г.П. Маркова серти, регыд лоас и ӧтуввезйын.
Фильм нимӧдігӧн тӧдмӧді волысьяссӧ "Гизь-гизь, гораньӧй" ворсӧмӧн. Ӧти нывбаба куимысь эз тӧдмав, кодлы киас гусьӧн дзеби лыторсӧ, и сылы ковмис луздорса частушка висьтавны.
* тані ковмас воссьыны - тайӧ ме да Ёгор пиӧй.
Галина Петровна ӧктӧма "важъя", водзынджык гижӧм, видеоматериалсӧ ӧтилаӧ, а сы кындзи пыртӧма выль кадръяс да лӧсьӧдӧма сюрӧссӧ.
Сюжет сертиыс, ӧнія кадӧ батьыс* казялӧ, мый пиыс* ворсӧ смартфонын да вӧзйӧ тӧдмасьны важъя ворсӧмъясӧн: корсьӧ ӧтуввез пыр да петкӧдлӧ, кыдзи комияс ворслісны Изьва, Луз, Лэтка, Висер да мукӧд вожын.
Тайӧ юкӧнас тӧдмасям "Перескачка" (Лэтка вожын) да чипан колькйӧн ворсӧмъяс (Луздорса Спасордын), изьваса "Луд" дырйи вӧлӧн ордйысьӧм, челядьлӧн "Ӧшкӧ-бабӧ", "Семен дядь", "Шегъясьӧм" да мукӧд ворсӧм йылысь.
А фильм помланьыс батьыс вӧзйӧ пиыслы аслыс ворсны коми йӧзкостса ворсӧмъясысь, и найӧ петӧны ывлаӧ...
Тайӧ юкӧнас кольӧм вося гожӧмнас снимайтчисны Кӧрткерӧс районса Выльыб грездысь челядь. Кор сёрнитчам на вӧлі Г.П. Марковакӧд съёмкаяс йылысь, ме дасьтылі ар даса зонкаясӧс, но локтіг кежлас некымынӧн на пиысь эз нин вӧвны. Та вӧсна чукӧртім содтӧд ныв-зонсӧ, на пиын - мукӧд регионысь том гӧсьтъясӧс чукӧстім.
Медводз челядь асьныс ворсісны керка-карта гӧгӧрын "Згалӧ-згалӧысь" (дзебсясьӧмысь). Сиктса кадръясыс ловзьӧдісны фильмсӧ.
А сэсся челядьыслы петкӧдлі кык важся да вунӧдӧм нин ворсӧм: "Чиркъясьӧм" да "Поп вӧтлӧм". Водзвыв (быд во лӧсьӧдлам) дасьтім выльыбса ныв-посникӧд бедьяс да чагъяс. Фильмас ме гӧгӧрвоӧда ворсанногсӧ, а сы бӧрти челядь ворсӧны.
Поводдяыс неуна торкыштіс миянлысь планъяснымӧс. Зэра гожӧмыд колян во вӧлі да, ӧдва кадколастыс сюри. Снимайтігӧн тшӧтш буситіс, но челядь ни налӧн рӧдвужыс эз дугӧдчыны ворсӧмысь!
Колян во выльыбсаяс унаысь нин юасисны, кор жӧ пӧ кутасны петкӧдлыны фильмсӧ да кӧні. Ӧні тӧдам нин: фильмыс дась, и Г.П. Маркова серти, регыд лоас и ӧтуввезйын.
Фильм нимӧдігӧн тӧдмӧді волысьяссӧ "Гизь-гизь, гораньӧй" ворсӧмӧн. Ӧти нывбаба куимысь эз тӧдмав, кодлы киас гусьӧн дзеби лыторсӧ, и сылы ковмис луздорса частушка висьтавны.
* тані ковмас воссьыны - тайӧ ме да Ёгор пиӧй.
Комментариев нет:
Отправить комментарий