суббота, 16 июня 2018 г.

Коми кыв велӧдысьяслӧн лыд йылысь бӧръя юӧръяс

"Коми войтыр" ӧтмунӧмлӧн Исполком заседанньӧ дырйи юргисны со татшӧм лыдпасъяс:
* 2018 вося кӧч (сентябр) тӧлысь 1 лунсянь Коми республикаса школаясын коми кыдзи ЧУЖАН кыв кутасны велӧдны 3707 морт (став велӧдчысьсьыс 4,8 %).

** Изьва районын коми кыдзи ЧУЖАН кыв бӧрйӧмаӧсь 53 % велӧдчысь, Кулӧмдінын - 33, Кӧрткерӧсын - 29, Сыктыв районын - 12 % и с.в.
** Удорасаяс, кӧні комиыс перепись серти 8 сюрс сайӧ (40 прочент ставсьыс) - сӧмын 8 %, а Луздор районын - 0,7 %.
** Коми, кыдзи ЧУЖАН кыв, НЕКОД ОЗ КУТ ВЕЛӦДНЫ Сыктывдін (таво на д некымынӧн вӧліны), Мылдін да Сосногорск районъясын.
** Сыктывкарын кутасны велӧдны 230 морт!!!!

* Коми, кыдзи КАНАЛАН кыв (тайӧ торъя уджтас, а абу кыв статус), республикаын бӧрйӧмаӧсь 35 %.
** Медунаӧн Луздорын да Удораын (89 %), Сыктывдінын (75%), Мылдінын (69), Кӧрткерӧсын (63), Кулӧмдінын (62).
** Воркутаын да Чилимдінын эм жӧ коми кыв велӧдны кӧсйысьяс.

***** Лыдпасъяс серти кӧ, сӧмын быд коймӧд кага кутас велӧдны коми кыв Сыктывкарын. Сідзкӧ, куимсьыс кык коми кыв велӧдысь кольӧ радейтана уджтӧгыс (мӧдтор кутас велӧдны либӧ кольӧ уджтӧг).


Йӧзӧс велӧдан министерство серти, абу на юасьӧма 990 мортӧс (1% став велӧдчысьсьыс). Выльмӧдӧм статистика виччысьӧны 25-ӧд лун кежлӧ. 

Комментариев нет:

Отправить комментарий