понедельник, 19 ноября 2018 г.

Сыктывкарса коми войтырлӧн конференция

Пекничаӧ, вӧльгым тӧлысь 23-ӧд лунӧ, 14 чассянь сыктывкарса администрацияын лоӧ сыктывкарса коми войтырлӧн конференция.
Темаыс - "Кывным миян асьнымӧс на видзӧ" - Коми Республикаса нимйӧза кывбуралысь Владимир Васильевич Тиминлӧн кывбурысь. 





Виччысям делегатъясӧс да корӧмаясӧс, журналистъясӧс, а сідзжӧ кывзыны да сёрнитны кӧсйысьясӧс. 

Медводз локтысьясӧс чолӧмаласны челядь видзанінса да Коми национальнӧй гимназияса челядь кывбуръясӧн да сьыланкывъясӧн, Сыктывкарса коми культура шӧрин бердса "Зарни туис" котыр. Карса администрациясянь да сӧветсянь, национальнӧй политика министерствосянь сетасны Аттьӧалана гижӧдъяс да Почёт грамотаяс зіля уджалысьяслы. А сэсся лоӧны докладъяс Сыктывкарса администрациясянь, Велӧдӧм, наука да том йӧз политика да Культура, туризм да архив удж кузя министерствояссянь да "Коми войтыр" ӧтмунӧмса Сыктывкар представительствосянь, а сідзжӧ делегатъяслӧн сёрнияс. 

Мытшӧдъяс: карын коми кыв велӧдӧм да бать-мамлысь инӧдъяс торкалӧм, И.А. Куратов чужӧмсянь 180 во тырӧмкӧд йитӧдын план дасьтӧм, Кардор обласьтын "ШИЕС" станцияын лӧп-ёг кыпӧдӧмкӧд йитӧдын экология проблемаяс, и с.в.

Комментариев нет:

Отправить комментарий