Коми национальнӧй гимназияын талун восьса ӧдзӧс лун вӧлі. Директор Е.Н. Ярошенколӧн корӧм серти ветлім "Коми войтыр" ӧтмунӧмлӧн Сыктывкарса представительствосянь мастер-классъяс нуӧдны. Тайӧ гимназияас уна во нин велӧдӧны коми кыв (кыдзи чужан и каналан кывъяс уджтасъяс серти).
Людмила Камбалова велӧдіс ныв-зонмӧс да бать-мамсӧ вӧчавны дӧра аканьяс, а ме босьтчи ворсӧдны. Комын вит минутаа урокнад унатортӧ эг вевъялӧй, но тайӧ кадыс тырмис, медым ыззьӧдны челядьтӧ. Зэв зіля найӧ пырӧдчисны ворсӧмъясад. Панім чукӧртчылӧмнымӧс "Изки карнансянь" да "Пышкайсянь" мукӧдсӧ виччысигмоз. Кӧть и роч челядь вӧліны, а выль коми кывъястӧ ӧдйӧ пель саяс сюркнялісны.
А ӧзйисны челядьыд шегйӧн ворсігӧн. Некор на абу аддзылӧмаӧсь збыль лыястӧ! Некымынысь и сюри налы печлавнытӧ, весиг ворснысӧ бурасӧ эз удитны, а казьтылӧмыс налы коляс дыр кежлӧ.
Ыж шегйӧн ворсӧмъяс йылысь уна нин сёрнитім бӧръя дас вит вонас, а пыр на сюрӧны найӧ, кодъяс шензьӧны - кывлӧмаӧсь, а абу на ловйӧн аддзылӧмаӧсь. Ковмис эскӧдны, мый лыыс збыль ыжлӧн.
Школаясын коми кыв велӧдӧм йылысь ёсь сёрнияс кыпалӧм бӧрын корси кад да пыралі коми кыв урок кывзыны 6-ӧд классӧ. Велӧдысьыс Е.С. Лешукова комиӧн и рочӧн вӧлі гӧгӧрвоӧдӧ челядьыслы юалӧмсӧ-шуалӧмъяссӧ. Темаыс - тӧв да выльвося пызан вылӧ сёян дасьтӧм. Нимкодь, мый челядьыс зілисны сёрнитны, артмӧны налӧн аслыспӧлӧс шыяс шуалӧм.
Квайтӧд классыд асьсӧ ичӧтӧн оз нин лыддьы, буракӧ, эмӧсь кывзысьтӧмӧсь; эз видзӧдлыны, мый классас бать-мамыс пукалӧны.
Восьса луныс помасис сьылан-йӧктан гажӧн. Петкӧдчисны и рочӧн и комиӧн. Сцена вылын нимкодь вӧлі аддзыны тӧдсаяслысь челядьсӧ: быдмӧмаӧсь да, сьылӧны, ворсӧны и йӧктӧны. Оля ворсіс Солӧ баблӧн мойдын; Тимоша петкӧдчис сценкаын. А Максим Нестеров сьыліс мӧд нывкӧд комиӧн, и налӧн сьылӧм улӧ йӧктісны ныла-зонма. Зэв мича композиция артмис.
Людмила Камбалова велӧдіс ныв-зонмӧс да бать-мамсӧ вӧчавны дӧра аканьяс, а ме босьтчи ворсӧдны. Комын вит минутаа урокнад унатортӧ эг вевъялӧй, но тайӧ кадыс тырмис, медым ыззьӧдны челядьтӧ. Зэв зіля найӧ пырӧдчисны ворсӧмъясад. Панім чукӧртчылӧмнымӧс "Изки карнансянь" да "Пышкайсянь" мукӧдсӧ виччысигмоз. Кӧть и роч челядь вӧліны, а выль коми кывъястӧ ӧдйӧ пель саяс сюркнялісны.
А ӧзйисны челядьыд шегйӧн ворсігӧн. Некор на абу аддзылӧмаӧсь збыль лыястӧ! Некымынысь и сюри налы печлавнытӧ, весиг ворснысӧ бурасӧ эз удитны, а казьтылӧмыс налы коляс дыр кежлӧ.
Ыж шегйӧн ворсӧмъяс йылысь уна нин сёрнитім бӧръя дас вит вонас, а пыр на сюрӧны найӧ, кодъяс шензьӧны - кывлӧмаӧсь, а абу на ловйӧн аддзылӧмаӧсь. Ковмис эскӧдны, мый лыыс збыль ыжлӧн.
Школаясын коми кыв велӧдӧм йылысь ёсь сёрнияс кыпалӧм бӧрын корси кад да пыралі коми кыв урок кывзыны 6-ӧд классӧ. Велӧдысьыс Е.С. Лешукова комиӧн и рочӧн вӧлі гӧгӧрвоӧдӧ челядьыслы юалӧмсӧ-шуалӧмъяссӧ. Темаыс - тӧв да выльвося пызан вылӧ сёян дасьтӧм. Нимкодь, мый челядьыс зілисны сёрнитны, артмӧны налӧн аслыспӧлӧс шыяс шуалӧм.
Квайтӧд классыд асьсӧ ичӧтӧн оз нин лыддьы, буракӧ, эмӧсь кывзысьтӧмӧсь; эз видзӧдлыны, мый классас бать-мамыс пукалӧны.
Восьса луныс помасис сьылан-йӧктан гажӧн. Петкӧдчисны и рочӧн и комиӧн. Сцена вылын нимкодь вӧлі аддзыны тӧдсаяслысь челядьсӧ: быдмӧмаӧсь да, сьылӧны, ворсӧны и йӧктӧны. Оля ворсіс Солӧ баблӧн мойдын; Тимоша петкӧдчис сценкаын. А Максим Нестеров сьыліс мӧд нывкӧд комиӧн, и налӧн сьылӧм улӧ йӧктісны ныла-зонма. Зэв мича композиция артмис.
Комментариев нет:
Отправить комментарий