Ставыс лоас бур!: МАНАРАГА. ӦКМЫСӦД ЛУН

ӦКМЫСӦД ЛУН. ЕРКУСЕЙ

Талун шойччан лун. Виччысям «Урал» машина, коді миянӧс вайӧдас Интаӧ кӧрт туй вокзалӧдз. Кадыс мунтӧдз эм. Та вӧсна асывнас вӧзйисны ветлыны Еркусей изйӧдз. Тадзи ми нюжӧдім ассьыным походнымӧс нӧшта на 9 километра вылӧ.

Ичӧт нопйӧн да кос ордымті мунны вӧлі кокни. Мунігӧн и локтігӧн чукӧртім кык пакет тыр тшак, видлім кын мырпом. Еркусей из горулас эм шаман гу. Та вӧсна миян пиысь эскысь йӧз сы дорӧ эз матыстчывны. Татчӧ вайӧдлӧны туристъясӧс, кодъяс ӧшлӧны гу да орччӧн быдмысь ниа пу вылас ленточкаяс. Еркусейсӧ шуӧны нӧшта Шаман-гӧраӧн, судтаыс – 1098 метра. Водзын пӧ из йылас нуӧдӧмны жертвоприношениеяс, и ӧні на сэні туплясьӧны лыяс.

Кор бӧр воим базаӧдз, сэні виччысисны ныла-зонма, кодъясӧс аддзылім некымын лун сайын – вӧлі мунӧны Манарага из йылӧ миян палаткаяс дорті. Ӧні найӧ кӧсйӧны воӧдчыны Интаӧдз, корсьӧны машина. Ньӧбӧмаӧсь кӧр ку, кор сӧмын на вӧлі мунӧны гӧраясӧ, сы вылын и узьлӧмаӧсь.

Зонмыс гортас воӧма да удитӧма нин гижны ӧтуввезйӧ ветлӧм йывсьыс. Тӧдмалім и нимъяссӧ – Максим Захаров да Настя. А мӧд гозъяыс, кодъясӧс аддзылім Манарага изсьыс локтӧм бӧрын – Люда да Денис.

Зэв тешкодьтор казялі. Кор паныдалам туристъясӧс, юалам кытысь, кутшӧм карысь найӧ да кытчӧ мунӧны ли ветлісны. И некор ог юасьӧй нимсӧ, кӧні уджалӧ и с.в.

Базаӧ воӧм бӧрын тшак удитім пуны и сёйны, эз ставныс видлыны – повзисны кынӧм висьмӧмысь. Кык час бӧрын пуксим «Уралӧ» да вӧрзьӧдчим карлань. «Санавож» базаысь босьтім некымын шойччысьӧс. Туйыс вӧлі турки-тарки, помасьтӧм. Мунігӧн унаысь видзӧдлывлім телепонӧ – кор нин тыдовтчас йитӧд. Арталі, кымын жӧ сё письмӧ удитісны меным гижны тайӧ каднас. Кор тыдовтчис телепон йитӧд, быдӧн зілис звӧнитны да юӧртны матыссаясыслы, мый ловъяӧсь, локтӧны.

Ӧкмыс рытын вӧлім Интаын. Ньӧбасим туйӧ. Ольга Ватлина чукӧртіс вокзал вылӧ ставнысӧ да лыддис туйын гижӧм кывбур:

Мы шли по камням, шагали сквозь реки,

Минуя болота и вязкую грязь.

Мы чуть приоткрыв отекшие веки,

С рассветом взбирались на горы трясясь.

Еда нас сплотила, костры согревали,

Внезапно сроднившись, мы стали дружней.

Высоты старинные мы покоряли,

А с ними мы стали намного сильней.

Семяшкин отважно нас вел по Уралу,

Мы, внемля, бежали то вверх, то все вниз,

Хватало нам изредка сил до привала,

Васильич исполнит любой туркаприз.

Наташка улыбкой нас всех обаяла,

Другая – напором и скоростью ног,

В походе мы даже не поскучали,

Ведь молча Женя идти бы не смог.

Андрей очень скромно все вел свою Олю,

А Оля пыхтела, но все же брела.

Людмила и Вера неслись за медалью,

Летели по ветру как будто стрела.

Сергей лаконично общался со всеми,

Одаривал многих он парою слов.

Истории Маши мы чутко внимали,

Она же знаток немецких основ.

Девчонки Никиту кормили отменно,

Платил добрым взглядом за допсырье.

Надежда, гуляя по Приуралью, приобрела оленье белье.

Лена послушно шла возле мужа,

И темп задавала и не один.

Леша средь нас узнаваемый самый –

Ходячий сборник коми былин.

Мы, что мечталось – осуществили,

Наполнено радостью все внутри.

Хотелось бы еще, чтоб дальше мечталось,

А дело за малым – встать и идти.

Дас рытын пуксим вагонъясӧ, пӧшти ставным ӧтилаын. Миянкӧд мунысь нывбаба вӧлі нуӧ каньӧс. Духиӧн резсис да муртса миянӧс эз пӧдты. Сӧстӧм вӧр-ваысь воим дукаинӧ.

Водтӧдз пукалім на ӧти пызан сайын, колльӧдчим. Вочасӧн водалім. Печорасаяс петісны вагонсьыс кык час войын.