"Коми му" газет лыддьӧм йылысь

"Коми му" редакция юаліс - ме вочавидзи.

"Коми му" газет да мукӧд коми газет-журнал судзӧда "Ордым" лавка пыр. Челядьлы - "Би кинь" да "Йӧлӧга", гозъялы - мукӧдсӧ. 

"Коми муысь" ёнджыка лыддя сэтшӧм гижӧдъяс, мый йылысь оз гижны мукӧдлаас. Шуам, кос пресс-релизъяс либӧ вежон сайся юӧръяс, мый паныдасьлӧны нин мукӧд газетас, ӧтуввезйын (унаысь, быд сайтын да социальнӧй везъяслӧн котыръясын), син пыр весиг ог нуӧд. Корся аналитика, донъялана пасйӧдъяс нималанаджык йӧзсянь, автор видзӧдласа гижӧдъяс. Зіля бурджыка лыддьыны коми кыв да культура, сикт сӧвмӧмкӧд йитчӧм статьяяс. Корся и сэтшӧм гижӧдъяс, кодъяс вермасны ковмыны аслам туясян уджын. 

Телевизор гортын абу да, телепрограмма во дас нин ог босьтлы киӧ. Буракӧ, унаӧн нин оз гӧгӧрвоны, мыйла ӧні кадӧ, кор став юӧрсӧ судзӧдӧны ӧтуввезйысь, кор телепрограмма эм спутниксянь кыйӧм телеканалъясын, йӧзӧдны газетын тайӧ дивӧсӧ. Кӧкъямыс лист бок вылын текст ... 

И дерт жӧ, юавны окота: а кымынӧн сійӧн вӧдитчӧны? Гашкӧ, кад нин сыысь мынтӧдчыны, либӧ кольны сӧмын "Коми гор" да "Юрган" каналъяслысь уджтасъяссӧ.