Некымын во сайын Ёгор пи вылӧ видзӧдӧмӧн дасьтывлі доклад сы йылысь, кыдзи дзик коми кага муніс карса роч челядь видзанінӧ, кыдзи гӧтыркӧд ӧтвылысь "тышкасим" сы вӧсна, медым эз рочмы и кыдзи та вылӧ видзӧдӧны мукӧдыс. Та серти сэсся петавліс туясян удж.
Ӧніӧдз век на гижала тешкодь да чуймӧданаторъяс карын кык кывъя кага быдтӧм серти. Чукӧрмис уна удж вылӧ материал, но кӧсъя гижыштны талунъя йылысь, сы вӧсна мый дзик на неважӧн Кулӧмдінса школаын нуӧдім гӧгрӧс пызан, кӧні сёрни кыпавліс коми кыв ковтӧмлун да велӧдігас сьӧкыдлун йылысь.
Рытнас босьті пиӧс. Сійӧ век на ветлӧдлӧ сійӧ жӧ садикас, кӧні став челядьыс роч, но велӧдысьясыс уджас коми русӧ пыртлӧны жӧ. Велӧдӧмаӧсь талун мам йылысь коми кывбур, корӧмаӧсь Ёгорӧс вуджӧдны, мый йылысь сійӧ. Мыйсюрӧ вуджӧдӧма, а сэсся шуӧма, мед пӧ тшӧтш А. (зонка) вуджӧдас, сійӧ пӧ асьсӧ комиӧн жӧ шуӧ (кӧть и оз сёрнит).
Сэсся Ёгор висьталӧ, мый талун уджалӧмаӧсь челядьлы "Понимашка" журнал серти, мый сиӧма коми йӧзлы да культуралы. Сэні эм и комиӧн лыдакывъяс. Сэсся чуймӧмӧн шуӧ: а сэні пӧ ӧшыбка: "ӧтик" пыдди гижӧма "этик"! Ывлаӧ петім да мукӧд челядьыскӧд котралӧны, ислалігтыр рочьясыд горзӧны "этик, этик!"
Недыр мысти кутім мунны да виччысьтӧг Ёгорлы горзӧ ӧти нывка: "Лок татче! Лок татче!" Вӧлӧмкӧ, ӧтка коми зонмыд унаторйӧ удитӧма роч челядьтӧ "велӧдны", некутшӧм шуӧм оз ков. А челядьыд ас костаныс оз зыксьыны верстьӧ моз, оз шуасьны коми кыв ковтӧмлун йылысь!
Ӧніӧдз век на гижала тешкодь да чуймӧданаторъяс карын кык кывъя кага быдтӧм серти. Чукӧрмис уна удж вылӧ материал, но кӧсъя гижыштны талунъя йылысь, сы вӧсна мый дзик на неважӧн Кулӧмдінса школаын нуӧдім гӧгрӧс пызан, кӧні сёрни кыпавліс коми кыв ковтӧмлун да велӧдігас сьӧкыдлун йылысь.
Рытнас босьті пиӧс. Сійӧ век на ветлӧдлӧ сійӧ жӧ садикас, кӧні став челядьыс роч, но велӧдысьясыс уджас коми русӧ пыртлӧны жӧ. Велӧдӧмаӧсь талун мам йылысь коми кывбур, корӧмаӧсь Ёгорӧс вуджӧдны, мый йылысь сійӧ. Мыйсюрӧ вуджӧдӧма, а сэсся шуӧма, мед пӧ тшӧтш А. (зонка) вуджӧдас, сійӧ пӧ асьсӧ комиӧн жӧ шуӧ (кӧть и оз сёрнит).
Сэсся Ёгор висьталӧ, мый талун уджалӧмаӧсь челядьлы "Понимашка" журнал серти, мый сиӧма коми йӧзлы да культуралы. Сэні эм и комиӧн лыдакывъяс. Сэсся чуймӧмӧн шуӧ: а сэні пӧ ӧшыбка: "ӧтик" пыдди гижӧма "этик"! Ывлаӧ петім да мукӧд челядьыскӧд котралӧны, ислалігтыр рочьясыд горзӧны "этик, этик!"
Недыр мысти кутім мунны да виччысьтӧг Ёгорлы горзӧ ӧти нывка: "Лок татче! Лок татче!" Вӧлӧмкӧ, ӧтка коми зонмыд унаторйӧ удитӧма роч челядьтӧ "велӧдны", некутшӧм шуӧм оз ков. А челядьыд ас костаныс оз зыксьыны верстьӧ моз, оз шуасьны коми кыв ковтӧмлун йылысь!
Комментариев нет:
Отправить комментарий