Йӧзӧс велӧдан, наука да том йӧз политика министерство чукӧртліс уджалан котыр, кодӧс вӧлі котыртӧма куим во сайын нин. Колян во уджалан котыр эз чукӧртчывлы пандемия ыждалӧм вӧсна. Таво медводдзаысь паныдасьлім да видлалім некымын юалӧм.
Заседание дырйи вайӧдісны некымын выльмӧдӧм лыдпас. 2020/2021 велӧдчан воас коми (чужан) кыв велӧдӧны 67 школаса (ставсьыс 21 %) 4023 морт (сӧмын 4 % став велӧдчысьсьыс). А коми (каналан) кыв велӧдӧны нин 158 школаса (50%) 24 651 ныв да зон (24%). Та кадӧ жӧ этнокультурнӧй нырвизя предметъяс велӧдӧны став школаас 85 865 морт (84%). Тайӧ лыдас пырӧны татшӧм предметъяс, кыдзи краеведение, Коми Республикаса литература да история и с.в.
Пасйисны, кутшӧм да кымын небӧг вӧлі йӧзӧдӧма бӧръя кадас, мый вӧчӧма, медым пыртны федеральнӧй переченьӧ коми кыв да литератураысь уджтасъяс да небӧгъяс.
Сёрнияс кыптісны вылыс квалификацияа кадръяс дасьтӧм, методистъяслы да учебникъяс дасьтысьяслы удждон кыпӧдӧм, коми национальнӧй школа, этнокультурнӧй велӧдӧм сӧвмӧдан концепция йылысь.
Комментариев нет:
Отправить комментарий