"Коми войтыр" ӧтмунӧмлӧн Сыктывкар представительство субӧтникасис. Тайӧ пырис нин традицияӧ. Кыдзи и колян во, таво ёг бара чукӧртім Выльтыдор посёлокын.
Быд во посёлоксӧ ойдӧдӧ да ытва вайӧ Эжва катыдысь уна лӧп. Медводдзаӧн миян корӧм вылӧ шыӧдчисны бара выльтыдорсаяс. Посёлокыс Сыктывкарсянь некымын километра сайын, Выльты ты бокын, Сыктыв да Эжва юяс костын.
Сэтчӧс олысьяскӧд ӧтвылысь босьтчим весавны.
Дача улича помын ӧтилаӧ чукӧртім керъяс да увъяс. Кыдзи шуис Ольга Павловна Жакова, культура керкаӧн веськӧдлысь, мойлӧн хатка лои.
Зэв нимкодь, мый посёлок сӧстӧммӧдны петісны челядь да налӧн мамъясыс. Тӧдчӧ, мый найӧ уджач йӧз, а абу карса "модничаяс".
Став мешӧксӧ тыртім. А сідзкӧ кык часа уджӧн вевтыртім планнымӧс. Выльлунӧ воас техника, медым лӧп-ёгсӧ петкӧдны.
Комментариев нет:
Отправить комментарий